Бернардо Силва ќе биде нов фудбалер на Барселона, со што Каталонците си ја исполнија големата желба да го ангажираат португалскиот репрезентативец.
Во целата работа, што според медиумите е веќе завршена и се чека само официјален потпис на Силва посредуваше менаџерот Жорге Мендеш, а трансферот ќе чини 80 милиони евра што Барселона ќе треба да ги уплати на сметката на Манчестер сити.
Prix inférieur à 80M€ https://t.co/qUJ2Gsb5UB
— Actualité – Barça (@ActualiteBarca) July 15, 2022
Силва е еден од најдобрите играчи од средниот ред на планетата и е поливалентен играч што може да игра на неколку позиции.
Во Манчестер сити дојде во 2017 година од Монако, а во овие пет сезони четири пати беше првак на Англија, а има вкупно 11 трофеи во сите натпреварувања со Граѓаните.
Еднаш играше и финале во Лигата на шампионите, лани кога во англиското дерби за пехарот Челзи беше поуспешен и ја освои европската титула.
