Манчестер сити и Челзи покажуваат интерес за голманот на Торино, Вања Милинковиќ-Савиќ, тврди „Тутоспорт“. Според италијанскиот весник, соиграчот на Елиф Елмас по завршувањето на сезоната, најверојатно ќе се пресели во Премиер лигата.
Пеп Гвардиола, менаџер на Манчестер сити, бара замена за основниот голман на својот тим, Едерсон, додека Енцо Мареска, стратегот на Челзи, не е задоволен од настапите на Роберт Санчес и Филип Јоргенсен.
Договорот на 28-годишниот српски голман со Торино вклучува клаузула за откупување во вредност од 20 милиони евра.
Милинковиќ-Савиќ е дел од Торино од јули 2017 година, а во сезоната 2024/25 настапи на 31 натпревар, прими 34 гола и имаше десет „чисти мрежи”.
