Англискиот првак Манчестер сити се соочува со можноста да биде исфрлен не само од Премиер лигата, туку и од сите англиски купови, како и од Лигата на шампионите и од Светското клупско првенство. Ова ќе се случи доколку клубот биде прогласен во „судскиот процес на векот” кој започна во понеделник, при што се разгледуваат 115 обвиненија поврзани со кршење на финансиските правила од страна на клубот.
Многу од ривалските клубови сметаат дека еднократно одземање бодови не би било доволна казна доколку Манчестер сити биде прогласен за виновен за систематско нарушување на правилата. Поради тоа, некои клубови бараат поостри санкции, како што е целосно исфрлање од лигата, што би предизвикало хаос во англискиот фудбал.
Според правилата на ФА купот и Карабао купот, ако клубот биде исфрлен од Премиер лигата, тоа би можело да значи и исклучување од овие натпреварувања. Што се однесува до Лигата на шампионите, ситуацијата е покомплицирана бидејќи клубовите добиваат лиценци од УЕФА, но постои сериозна неизвесност дека исклучувањето од Премиер лигата ќе доведе и до забрана за учество во европските турнири.
Иако правилата за Светското клупско првенство сè уште не се јасни, исклучувањето од домашните натпреварувања би можело да создаде големи празнини во календарот на Манчестер сити, што дополнително би го отежнало нивното учество на сите меѓународни натпреварувања.
