Познатиот спортски бренд „Пума“ му се приклучи на спонзорскиот пул на Манчестер сити, а двете страни се договорија за 10-годишна соработка што ќе ја наполни касата на англискиот шампион за неверојатни 650 милиони фунти.
Договорот ќе почне да се реализира од први јули, а деби со опремата на „Пума“ популарните граѓани ќе имаат на закажаната турнеа низ Азија.
Ова е вториот најскап договор меѓу клуб од Премиер лигата и производител на спортска опрема, а ги опфаќа сите клубови од „Сити груп“, освен Јокохама Маринос и Њујорк сити, кои имаат договор со „Адидас“.
