Сопствениците на Манчестер сити му поставиле краен рок на Пеп Гвардиола во кој Шпанецот треба категорично да ја објави својата одлука дали ќе го напушти клубот или ќе остане на „Етихад“.
Според „Скај спортс“, ова треба да се случи пред Божиќ.
Шпанецот влезе во последната година од својот договор со клубот, а на крајот од минатата сезона 53-годишниот Гвардиола призна дека е поблиску до заминување отколку до останување.
Клубот е подготвен да му понуди нов договор на стручњакот, но доколку тоа не се случи, раководството сака да има доволно време за да најде соодветен наследник.
Во последните недели во Англија се шпекулира дека Гвардиола може да стане следниот селектор на националниот тим.
