Манчестер сити немаше можност да ги пријави сите четири засилувања за нокаут-фазата од Лигата на шампионите, па еден фудбалер мораше да отпадне од списокот.
Според правилата на УЕФА, клубовите може да регистрираат само тројца нови играчи по зимскиот преоден рок.
Сити во јануари ги доведе Абдукодир Кусанов, Нико Гонзалес, Омар Мармуш и Витор Реис. Пеп Гвардиола одлучи надвор од составот за Лигата на шампионите да остане Витор Реис, кој беше купен за 35 милиони евра.
Добра вест за Граѓаните е што Родри, кој се опоравува од повреда, би можел да се врати на терените порано од очекуваното, иако првично се предвидуваше дека сезоната за него е завршена. Тој исто така е пријавен за настап за вториот дел од Лигата на шампионите.
