Англискиот премиерлигаш Манчестер сити понудил неверојатни 200 милиони евра за Педри, што потенцијално би бил и најголемиот трансфер во историјата на англискиот клуб. Планот на Граѓаните е да го комплетираат својот среден ред со Педри, Родри и Нико Гонзалес како идеална замена за Бернардо Силва, кој би го напуштил „Етихад“ ова лето.
Сепак, и покрај огромната понуда и финансиските предизвици со кои се соочува Барселона, каталонскиот гигант категорично рекол „не“ за ваков трансфер. Педри се смета за незаменлив во тимот на Ханси Флик и е еден од столбовите на клубот.
Шпанскиот репрезентативец има договор со Барселона до 2030 година, со откупна клаузула од милијарда евра, а Каталонците го доведоа од Лас Палмас во 2019 година за 23 милиони евра. Неговата лојалност кон клубот е очигледна, иако понудите од Англија се и повеќе од примамливи.
