Манчестер јунајтед победнички се враќа од гостувањето во Лондон. На дуел против Кристал палас, Црвените ѓаволи славеа со 2:1 и тоа со пресврт во второто полувреме.
Кристал Палас дојде во водство со голот на Матета во 36 минута од пенал, па домаќините со предност заминаа по првото полувреме.
Манчестер јунајтед кој на последните четири меча со овој ривал имаше три порази и едно реми, сепак беше решен да стави крај на лошата серија.
Зиркзе во 54 минута израмни на 1:1, а неполни 10 минути подоцна, пресвртот го комплетираше Моунт.
Со оваа победа, Манчестер јунајтед стигна до 21 бодови и се искачи на шестото место на табелата, додека Кристал палас остана со 20 бодови и сега е седмопласиран.
