Марио Манџукиќ спогодбено го раскина договорот со катарскиот клуб Ал Духаил по само седум месеци соработка. Хрватскиот голгетер на „Твитер“ потврди дека е слободен играч, а веќе почна да се поврзува со враќање во италијанската Серија А.
За екснапаѓачот на Баерн Минхен и Јувентус, се интересира Милан во кого гледаат како замена за Златан Ибрахимовиќ. Меѓутоа може да се случи изненадување, бидјеќи амбициозниот Беневенто има намера да го обезбеди потписот на Манџукиќ, откако екипата на Филипо Инѕаги обезбеди камбек во елитата.
За Ал Духаил, Манџукиќ запиша само седум настапи од јануари наваму и запиша само еден погодок.
I reached an agreement with @duhailsc management to terminate my contract by mutual consent. I appreciate the trust and hospitality that I have received in Qatar and I wish the best to the club and the team in the future. #mm17🌪 pic.twitter.com/DrJ2yBxp7V
— Mario Mandžukić MM17 (@MarioMandzukic9) July 5, 2020
