Марио Балотели е пред изненадувачки трансфер во швајцарскиот прволигаш Сион и сигурно нема да игра повеќе за Адана Демирспор, клуб во кој ова лето пристигнаа двајца македонски играчи, Јован Манев и Арда Окан Куртулан.
Се уште постои можност популарниот Супер Марио да игра и за Валенсија, во Ла Лига, бидејќи во тимот го сака новиот тренер на Лилјаците, Џенаро Гатузо, но тоа е сепак неизвесна варијанта.
Сион беше седмопласиран клуб од вкупно 10 што играа минатата сезона во Првата швајцарска лига, па најавата за ангажман на поранешниот италијански репрезентативец е првокласна сензација.
⚽️ CALCIOMERCATO
Secondo quanto appreso in esclusiva da Sportitalia, nelle ultime ore va registrato un contatto tra Balotelli ed il tecnico del Valencia Gennaro Gattuso per portare l’attaccante al Mestalla. Tuttavia la destinazione più probabile resta il Sion#sportitalia pic.twitter.com/i843C2aqwX
— Sportitalia (@tvdellosport) July 15, 2022
Балотели лани во јули го засили тогаш новиот турски прволигаш, кој има големи амбиции, но издржа само една сезона.
Постигна 18 гола на 31 меч, а пет од нив му даде на Гезтепе, тимот за кој игра Адис Јаховиќ и тоа во последното коло од турското првенство.
Манев пристигна ова лето во Адана како позајмен играч од Брегалница Штип, а Куртулан му се приклучи нешто подоцна од Фенербахче.
Куртулан е роден во Истанбул, но игра за младата македонска репрезентација до 21 година и е голем талент, па се чека процедура за пасош за да може да игра во иднина и за нашата А селекција.
