Легендарниот германски голман Мануел Нојер во вторникот го доби првиот црвен картон во кариерата. Тоа се случи на дуелот против Баер Леверкузен во Купот на мечот на „Алијанц арената“.
Искусниот Нојер направи непромислен потег кога истрча надвор од шеснаесетникот и го фаулира гостинскиот играч, па заслужено доби црвен картон. Баерн Минхен со играч помалку не можеше да му парира на шампионот и дома загуби со 0:1, па беше елиминиран од Купот.
За исклучувањето, Нојер од Дисциплинската комисија заработи суспензија на следните два меча во Купот на Германија. Интересно е дека за оваа суспензија Нојер може никогаш да не ја одлежи казната.
Official: Manuel Neuer has been handed a 2-match ban following his red card against Leverkusen. Should he extend his contract, Neuer will miss the first and second round of next season’s DFB Pokal pic.twitter.com/21upHpFPeA
— Bayern & Germany (@iMiaSanMia) December 5, 2024
Неговиот актуелен договор со Баерн му истекува на крајот од сезоната, па ако се случи да не ја продолжи соработката или Нојер следната сезона да игра во друг германски клуб, 38-годишниот голман воопшто нема да има потреба да ја одработи оваа суспензија.
