Мануел Нојер во 2011 година пристигна во Баерн Минхен од Шалке за 30 милиони евра и за овие 14 години стана вистинска легенда на „баварците“, настапувајќи на 569 натпревари, а освои 12 трофеи од Бундеслигата, но и два од Лигата на шампионите.
39-годишниот голман неодамна го продолжи договорот со Баерн Минхен, а многумина сметаа дека ова ќе биде последната сезона во неговата професионална кариера. Сепак, Нојер не размислува така, а неговиот план е повторно да го продолжи договорот и да остане на голот на Баерн Минхен.
Веројатно ваквата одлука на голманот им оди во прилог и на раководството на „баварците“, кои ќе добијат повеќе време за ангажман на трајно решение за голманската позиција.
