Легендарниот Диего Армандо Марадона ќе добие споменик во срцето на Буенос Аирес, односно во туристичкиот дел на пристаништето Пуерто Мадеро. Споменикот ќе биде покриен и ќе се протега на 1.000 квадратни метри, а се очекува дека ќе го посетуваат и над еден милион луѓе годишно.
Како што пренесуваат аргентинските медиуми, споменикот, односно меморијалниот центар за Марадона ќе го носи името „Меморијал М10“ и нема да се наплаќа влезница, но посетителите ќе може да остават донација.
Диего Армандо Марадона почина во 2020 година.
