Славниот фудбалер Диего Марадона во чие време Аргентина ја освои последната титула светски првак, во интервју за една аргентинска телевизија, отворено говореше за некои работи од минатото, а раскажа и дека невиноста ја загубил кога имал само 13 години.
„Првото сексуално искуство го имав кога бев 13-годишен. Тоа се случи во подрум, со една постара дама. Јас бев горе, а додека `работев`, таа незаинтересирано читаше весник. Ете толку ѝ беше убаво со мене“ – раскажа 59-годишниот Марадона кој со години има проблем со дрогата, но за многумина е најдобриот фудбалер на сите времиња.
На прашањето кои тројца фудбалери би ги викнал на забава на јахта, тој одговори: Тевес, Меси и Хајнце. За Марадона, најдобар аргентински фудбалер на сите времиња е Алфредо Ди Стефано, а како најголем спортист од земјата на гаучосите го наведе кошаркарот Емануел Џинобили.
