Челзи загуби на домашен терен од Астон вила со пресврт и веќе е надвор од првата четворка во Премиер лигата. „Сините“ имаат заостанување од 13 бода позади лидерот Арсенал, но и три бода позади Ливерпул кој е трет на табелата.
„Доминиравме во текот на еден час, сè додека не примивме гол. До тој момент бевме многу добри и требаше да постигнеме уште 2–3 погодоци. А причината не е недостиг на искуство. За жал, потоа играта малку се промени. Замените што ги направи противникот во средината на второто полувреме ја сменија динамиката на натпреварот. Воткинс, Онана и Санчо значително ја подобрија играта на Вила. Не го извадив од игра Кол Палмер поради здравствени проблеми, тој работеше многу напорно и беше малку уморен. Но, во целина одигра добар натпревар.“ – рече Мареска по натпреварот.
Медиумите на Островот посочуваат дека раководството на Челзи му поставило ултиматум на Мареска, па неговата иднина на „Стемфорд Бриџ“ ќе зависи од резултатите на следните натпревари. На последните шест меча во Премиер лигата, Челзи освои само шест од можните 18 бода.
