Кристофер Нкунку ќе го напушти Челзи ова лето, откако менаџерот Енцо Мареска одлучи да не смета на него, пренесува францускиот весник „Л’Екип“.
Францускиот офанзивец, кој има 27 години, нема да добие значајна минутажа поради конкуренцијата од Жоао Педро и Лијам Делап, кои ќе добијат предност во нападот.
Во текот на минатата сезона, Мареска дури го испробал Нкунку како дефанзивен играч за врска на тренинзите, позиција што не му одговара, бидејќи тој претпочита да игра поблиску до голот. Местото кое му одговара, меѓутоа, е веќе резервирано за Кол Палмер.
Интерес за Нкунку има од неколку големи клубови како Интер, Баерн Минхен и Манчестер Јунајтед.
Минатата сезона тој настапи на 47 натпревари во сите натпреварувања, постигна 15 голови и запиша пет асистенции.
