Репрезентацијата на Мароко обезбеди место во финалето на Африканскиот куп на нациите откако во Танжер ја елиминира селекцијата на Нигерија по подоброто изведување на пеналите (4-2).
Во регуларниот дел и по продолженијата немаше голови, а решавачкиот момент дојде по четвртиот пенал на Нигеријците, кој го одбрани голманот Боно.
Јусеф Ен-Несири ја реализира петтата серија за „Лавовите од Атлас“ и го одведе својот тим во големото финале, каде што ќе се сретне со Сенегал, кој претходно денеска ја совлада репрезентацијата на Египет со 1-0.
Нигерија ќе игра за третото место против Египет.
