Тренерот на Виљареал, Марселињо Гарсија Торал, најави дека тимот ќе доживее и задоволство и страдање во вечерашниот дуел против Манчестер сити во Лигата на шампионите.
По поразот од Тотенхем со 0-1 и ремито против Јувентус (2-2), Виљареал на домашен терен ќе се соочи со еден од најсилните европски тимови.
„Очекуваме многу тежок натпревар, слично како против Јувентус. Играме против поранешен европски шампион и треба да бидеме среќни бидејќи само можеме да излеземе како победници со ново искуство“, изјави Марселињо.
„Ќе уживаме, но и ќе страдаме. Овие натпревари ни носат растење и учење. Мораме да ја искористиме шансата пред нашите навивачи и да оствариме добар резултат“, додаде тој.
„Нема да го менуваме нашиот стил на игра, но секогаш постојат нијанси. Играме против тим кој го цени поседот на топката и мораме добро да се браниме“, објасни Марселињо.
„Обврска ни е да покажеме карактер и да го контролираме натпреварот, носејќи правилни одлуки. Сите знаеме дека победата е многу важна и мора да се бориме за неа, но и да сме свесни дека тоа ќе биде многу тешко и бара најдобро издание од нас“, заврши тренерот на Виљареал.
