Бразилскиот лев бек Марсело нема да игра на гостувањето од Лигата на шампионите кај ПСЖ, па во првиот тим на Реал стартер ќе биде Ферлан Менди, кој е навикнат да игра против ПСЖ бидејќи до минатата сезона го носеше дресот на Лион. Марсело на дуелот со Леванте го повредил вратот и нема да може да игра, а засега не се знае дали ќе може да настапи на лигашкото гостување кај Севилја во претстојниот викенд.
Со ова, листата на отсутни кај Реал за мечот в среда во Париз се зголеми на седуммина. Во аут се и повредените Иско, Модриќ, Валверде и Асенсио, како и суспендираните Рамос и Начо.
