Антони Марсијал се согласи да ја обнови соработката со Манчестер јунајтед. Французинот потпишa нов договор кој ќе важи до 2024 година, а се чека само официјализација од страна на клубот.
По заминувањето на Мурињо, Марсијал добива многу поголема доверба од Солскјер, а таа ја оправдува со добри игри, па може да се каже дека заслужено си заработи нов договор, иако неговата иднина долго време беше неизвесна. Во вчерашното реми против Барнли (2-2) не беше во можност да настапи поради повреда, но норвешкиот стратег вели дека не е сериозна и би требало да се врати на терените веќе за викендот.
Офанзивецот на „црвените ѓаволи“ сезонава настапи на 25 средби, на кои постигна 10 погодоци во сите натпреварувања.
