Масар Омерагиќ пред точно една година беше избран за шести претседател на Фудбалската федерација на Македонија од осамостојувањето на нашата земја.
„Една година. Не како бројка, туку како патека. Во оваа една година не ветувавме чуда, туку работа. Тивки одлуки, тешки разговори и чекори што не секогаш предизвикуваат аплауз, но секогаш се во корист на фудбалот. Не е сè завршено. Напротив. Насоката е поставена, а фудбалот, како и секогаш, бара трпение, знаење и оптимизам. Јас верувам. Напред Македонија“, порача Омерагиќ преку „Фејсбук“.
Поранешниот фудбалер на Слога Југомагнат, Балкан, Силекс и Вардар дојде на чело на ФФМ како наследник на Муамед Сејдини, а една од главните новини во неговото владеење е воведување на ВАР-системот во Првата лига.
