Матијас Гидсел, ѕвездата на Данска, повторно ја доби титулата за најдобар ракометар на светот и за 2025 година, според традиционалниот избор на ИХФ. Со ова, тој стана трет играч во историјата што ја освоил оваа награда трипати, приклучувајќи се на легендите Никола Карабатиќ и Микел Хансен.
Во 2025, Гидсел ја предводеше Данска до златото на Светското првенство, при што беше прогласен за МВП на турнирот. Неговата статистика беше импресивна, најдобар стрелец и најдобар асистент, што јасно го издвојува како клучен мотор во средниот ред и нападот на репрезентацијата. Неговата способност да комбинира продуктивност со лидерство на теренот ја потврдува статусот на светска ѕвезда.
Во женска конкуренција, Хени Реистад од Норвешка ја освои наградата третпат по ред, по истата формула: злато на Светското првенство, најдобар стрелец и МВП на турнирот. Реистад ја потврдува континуираната доминација на норвешката ракометна школа и влијанието на индивидуалните ѕвезди на тимскиот успех.
Иницијативата на ИХФ да ги истакне најдобрите млади играчи ги доведува во фокус идните ракометни ѕвезди, и тоа Франсиско Коста (Португалија) како најдобар млад ракометар, и Виола Лојхетер (Германија), како најдобра млада ракометарка.
