Килијан Мбапе денеска го одржа веројатно својот последен тренинг со екипата на ПСЖ, од тренинг центарот на париските Светци си замина облечен во бело (клупската боја на Реал), и се очекува уште утре да потпише за Реал Мадрид, со што светската јавност нема да има можност да ги види во ист тим на терен Меси, Нејмар и Мбапе, нешто што се најавуваше за неделниот дуел со Ремс.
Реал за Мбапе понуди 170 милиони евра, плус бонуси од 10 милиони, и оваа понуда била прифатлива за газдите од Катар. Но, официјализација на договорот уште нема.
Кога и официјално ќе стане член на Кралскиот клуб, на Мбапе ќе му се исполни сонот да заигра за најтрофејниот европски клуб. Тој како дете се фотографираше со своите идоли Кристијано Роналдо и Зинедин Зидан, а и во детската соба во која спиеше, цел ѕид беше исполепен со постери на кои доминира првиот стрелец во историјата на Реал Мадрид.