Килијан Мбапе со насмевкаа ги искоментира шпекулациите дека неговиот репрезентативен колега Дајо Упамекано би можел следното лето како слободен играч да се пресели во Реал Мадрид, па да станат и клупски колеги.
Се зборува дека во летото 2026 од Реал ќе си заминат Давид Алаба и Антонио Ридигер, а прв на листата на желби за зацврстување на одбраната им е Упамекано.
„Тој се справува многу добро, многу е самоуверен, полн со самодоверба. Тој е во дебатата за тоа кој е најдобриот дефанзивец во светот сезонава. За мене, тој е еден од оние доминантни дефанзивци. Способен е да биде во чекор со напаѓачите, да победува во дуели. Тој е во одличен клуб, нема многу подобри клубови од Баерн… Но, има и подобри (се насмевнува). Нема да навлегувам во таа дебата, од почит кон неговиот клуб и кон него, бидејќи знам дека ако кажам нешто, тој ќе биде под поголем притисок, но кога зборувате за играч од ваков калибар, нормално е сите клубови да бидат во потрага по него“, изјави Мбапе.
