Францускиот ас Килијан Мбапе не само што бесплатно реши да го напушти Пари Сен Жермен и да замине во Реал Мадрид, туку одлучи да му зададе последен жесток удар на својот поранешен клуб.
И покрај профитабилните понуди да остане во ПСЖ и да стане легенда на клубот, Мбапе одлучи да ги исполни своите соништа и да се пресели во Реал Мадрид. Еден од најдобрите фудбалери на денешницата бесплатно премина во Реал по истекот на неговиот договор со ПСЖ, а во Мадрид веќе одигра два официјални натпревари, постигна еден гол и го освои Суперкупот на Европа.
Сепак, тој не го заборави ПСЖ. Но, неговиот однос со парижаните веќе не е толку добар, па реши да го потсети поранешниот клуб на свој начин – со тужба.
🚨 Kylian Mbappé has contacted the LFP and UEFA to report PSG for not paying him money owed.
— Transfer News Live (@DeadlineDayLive) August 20, 2024
The Real Madrid star is demanding €55M in unpaid wages and bonuses.
If found guilty, PSG risk being expelled from the Champions League. ⏳
(Source: @lemondefr) pic.twitter.com/00BgLSMK5y
Реномираниот француски весник „Ле Монд“ пренесува дека Мбапе решил да поднесе тужба против ПСЖ и ја предал до УЕФА и до Француската професионална фудбалска лига (ЛФП).
Мбапе пријавил дека ПСЖ не му ги исплатиле парите кои му ги должат, а станува збор за сума од 55 милиони евра во неисплатени плати и бонуси. Она што може да биде најлошо за ПСЖ е дека доколку бидат прогласат за виновни, а тоа е речиси неодминливо, францускиот клуб се соочува со ризик да биде исфрлен од Лигата на шампионите.
