Реал Мадрид со пресврт стигна до победа од 2:1 против Мајорка во меч од 36-тото коло во Примера дивисион. Кралскиот клуб губеше со 0:1 на полувреме, но во вториот дел постигна два гола и стигна до победа.
Килијан Мбапе уште еднаш покажа дека е лидер на тимот. Францускиот голгетер погоди за 1:1, а потоа во 90+5 минута Кралскиот клуб направи целосен пресврт.
Голот што Мбапе го постигна против Мајорка е 28-ми погодок сезонава во 32-риот меч што го одигра во Примера. Со овој биланс од 28 гола, Мбапе постави нов рекорд во Реал. Тој е фудбалерот кој постигнал најмногу голови во првата сезона откако дошол во клубот.
Претходно овој рекорд го држеше легендарниот Алфредо ди Стефано, кој имал постигнато 27 гола во првата сезона во дресот на Реал Мадрид, а тоа било во сезоната 1953/54.
28 – Kylian Mbappé has scored 28 goals in 32 games in LaLiga 2024/25, the most by a player in his first season for Real Madrid in the history of the competition (Alfredo Di Stéfano, 27 in 1953/54). Amazing. pic.twitter.com/sEoOn953vw
— OptaJose (@OptaJose) May 14, 2025
