Килијан Мбапе за германскиот медиум „Билд“ откри дека еден од репрезентативните колеги го убедува да потпише за Баерн Минхен.
Токму дефанзивецот на Баварците, Лукас Ернандес, е играчот кој ја советува младата ѕвезда на триколорите да се пресели во Германија, меѓутоа Мбапе засега е среќен во Париз.
„Точно е дека Лукас ме бара да одам кај него во Баерн. Никогаш не знаете што може да се случи во фудбалот. Иднината е непредвидлива, меѓутоа јас сум среќен во ПСЖ. Што се однесува до Баерн, факт е дека е меѓу топ 5 клубовите во Европа. Можеме само да им честитаме за начинот на којшто го одржуваат квалитетот од година во година. Таму сите одлично си ја вршат работата и затоа се на врвот“, посочи Мбапе.
Инаку, најдобриот играч на светските шампиони го очекува бурно лето во кое ќе мора да одлучи дали ќе остане во Париз и ќе ја продолжи соработката со Светците или пак ќе си го оствари сонот наречен Реал Мадрид.