Иднината на најдобриот француски фудбалер Килијан Мбапе можеби не е во рацете на мајка му Фајза Ламари.
Мајката Фајза е и агент на Мбапе во последните години. Сите преговори и финансиски операции одеа преку неа, но сега ФИФА ги смени правилата и според новините, Ламари веќе ја нема потребната лиценца и нејзиното име го нема на листата од илјадници регистрирани агенти.
Без таа лиценца, Фајза не може да го застапува фудбалерот, ниту да преговара за договори и проценти, дури ни индиректно. Мајката на Мбапе може да ја добие таа лиценца најрано во мај следната година.
