Килијан Мбапе овој месец беше преставен како нов играч на Реал Мадрид. Неколку години траеше драмата околу тоа дали и кога францускиот голгетер ќе дојде во Реал Мадрид, а на крајот тоа се случи ова лето.
Покрај богатиот договор што го доби, Мбапе ќе биде почестен и со нов автомобил. Французинот го одбра БМВ автомобилот од верзијата i7 M70. Ова „чудовиште“ од автомобил може да развие максимална брзина до 250 километри на час.
Цената на овој автомобил е речиси 200.000 евра, а внатрешната опременост носи дополнителен луксуз. Има огромен екран од 31 инчи, разни масажери и уште многу модерни додатоци.
Мбапе ќе го добие овој автомобил, но нема да може да го вози од едноставна преичина бидејќи нема возачка дозвола и се плаши од возење. Фудбалерот сепак ќе го има овој автомобил постојано на располагање.
„Тоа е една од лошите работи кога уште од млад си многу успешен. Не можев да направам нешто како што е добивање на возачка дозвола. За многумина тоа беше обврска, но не и за мене, затоа што секогаш имав личен возач. Не ми беше приоритет“, неодамна рече Мбапе.
Во својата гаража, Мбапе минатата година „паркираше“ Ферари 488 Писта со 720 коњски сили и V8 мотор, чија цена е половина милион евра. Мбапе е сопственик и на Мерцедес Бенц ГЛЕ Купе, Аури А6, Мерцедес Бенц В класа и Ренџ Ровер.
