Напаѓачот на ПСЖ, Килијан Мбапе, ќе биде најголема ѕвезда во летниот преоден рок бидејќи по завршување на сезоната, повеќе од сигурно е дека ќе потпише за Реал Мадрид.
Според шпанските медиуми блиски до Реал Мадрид, се е договорено меѓу Кралевите и Мбапе и се чека вистинскиот момент за официјално да се објави веста која сите ја знаат.
Но, во изминатиот период, европските медиуми пишуваа дека и два премиерлигаши, Ливерпул и Арсенал, биле заинтересирани за Мбапе, но веднаш се откажале.
Самиот фудбалер даде „смешна“ причина зошто нема да се пресели во Лондон.
“Арсенал? Нема шанси, таму е премногу ладно“, му одговорил Мбапе на еден навивач на Арсенал, кој го повикал да се пресели во Премиер лигата.
