Летната сага околу Килијан Мбапе и неговото останување во ПСЖ или заминување во Реал Мадрид ќе заврши утревечер на полноќ, со затворањето на преодниот рок, но денеска дел од медиумите повторно најавуваат сензација.
Шпанскиот медиум „Возпопули“ лансира сензационална вест дека Мбапе до крајот на денот ќе стане член на Реал Мадрид. Наводно, челниците на ПСЖ се помириле со фактот дека Мбапе нема шанси да остане на „Паркот на принцовите“ по 2024 година и ја спуштиле цената за отштетата само на 50 милиони евра со цел да не го загубат бесплатно идното лето.
Mbappé to Real Madrid could be announced this afternoon from 6 pm Spanish time.
— @voz_populi pic.twitter.com/4Qm2rRXhNG
— Madrid Universal (@MadridUniversal) August 30, 2023
Но, главните мадридски спортски медиуми, „Ас“ и „Марка“, кои важат за „јавни гласила“ на Реал Мадрид, тврдат дека Кралевите нема да го ангажираат Мбапе летово, туку идното лето ќе пристигне како слободен играч.
From day one, Real Madrid knew that the Mbappé operation this summer was not possible. And it's not because Mbappé isn't on the market. He is a player with a current contract who has said he wants to fulfill it. What has happened in Paris stays in Paris.
— @diarioas pic.twitter.com/1kxOUD13fl
— Madrid Universal (@MadridUniversal) August 30, 2023
Според „Ас“ и „Марка“, Реал Мадрид летово воопшто немал намера да го ангажира Мбапе бидејќи претседателот на Кралевите, Флорентино Перес, веќе се договорил со одличниот напаѓач да пристигне идното лето.
