Реал Мадрид со 2:0 славеше над Хетафе во домашното првенство и сега се доближи само на еден бод зад лидерот Барселона. Кралскиот клуб има меч помалку од каталонскиот гигант, што значи дека со евентуална победа, Реал ќе биде лидер на табелата.
Џуд Белингам и Килијан Мбапе беа стрелци на головите за Реал, а мечот против Хетафе го одбележа и еден друг момент. Мбапе имаше шанса и за втор погодок, но промаши од позиција од која најчесто реализира.
Мбапе излезе сам пред гостинскиот голман, го помина и него, а кога требаше да ја погоди празната мрежа, шутираше покрај голот. Ова е втор дуел по ред на кој Мбапе не погодува од стоостотна шанса откако претходно промаши пенал во дербито од Лигата на шампионите против Ливерпул.
