Според пишувањето на „Л’екип“, тројца фудбалери од првиот тим на Пари Сен Жермен, меѓу кои и Килијан Мбапе, ќе бидат во олимписката репрезентација на Франција следната година.
Париз ќе биде домаќин на Летните олимписки игри од 26 јули до 11 август 2024 година, а Мбапе сака на домашен терен да го освои олимпиското злато и најавил дека сака да игра за олимписката селекција на својата земја.
Според правилата, во олимписките тимови во фудбал за мажи смее да има само тројца фудбалери постари од 23 години, а Мбапе следното лето ќе има 25.
