Килијан Мбапе си се рангираше во Топ-3 фудбалери како најголеми кандидати за престижната награда Златна топка што ја доделува францускиот магазин Франс фудбал, но и самиот е свесен дека нема шанси да победи.
„Мора да признаеме дека Реал Мадрид е вистинска машинерија и заслужено има најмногу кандидати за Златната топка. Сепак на крајот одлучува учинокот на терен, а тие беа најдобри.
Да сум на местото на Карим Бензема и ако сега не ја добие наградата тогаш никогаш повеќе не би размислувал за Златната топка.
Убеден сум дека еден ден ќе успеам да ја освојам убавата награда на Франс прес. И Роналдо почна да ја освојува Златната топка на 27 години, па затоа не се откажувам и знам дека имам време“, вели Мбапе.
Очекувано покрај себе, Килијан во Топ-3 главни кандидати за Златната топка ги смета Бензема и Садио Мане.
Официјално добитникот на наградата ќе биде познат на 17.октомври на свечената церемонија во Париз.
