Килијан Мбапе го пропушти дербито од француското првенство меѓу Пари Сен Жермен и Лил, а причина за тоа беше ушната инфекција која ја имал голгетерот на Светците.
Според најавите од Париз, Мбапе денеска се чувствувал многу подобро и ја поминал инфекцијата, па сега е подготвен за следниот меч на ПСЖ, на гости кај Лајпциг во Лигата на шампиони.
По три кола во групната фаза од елитното натпреварување на УЕФА, ПСЖ е лидер во својата група со седум бода, додека Лајпциг е последен без ниту еден освоен бод. Овие два тима играа пред две недели во Париз и ПСЖ победи со 3:2.
