Антонио Ридигер со гол во 115-тата минута е херојот на Реал Мадрид кој донесе пласман во големото финале на шпанскиот Куп. Кралевите примија дури четири гола од Реал Сосиедад на „Сантијаго Бернабеу“ во меч кој уште долго ќе се прераскажува, но по оние 3-4 во регуларните 90 минути, токму германскиот репрезентативец ги постави конечните 4-4 и не дозволи пеналите да решаваат.
Во регуларниот дел, гостите од Баскија први дојдоа во водство преку Андер Баранечеа во 16-тата минута.
Кралевите израмнија во 30-тата минута преку Ендрик.
Во 72-рата минута вистински шок на „Сантијаго Бернабеу“. Алаба си постигна автогол и ги донесе гостите во водство од 1-2.
Реал Сосиедад веќе гледаше кон финалето во 80-тата минута, кога погоди Ојарзабал, но со голема помош на Алаба.
Сепак, радоста на Реал Сосиедад траеше само две минути бидејќи Џуд Белингам во 82-рата минута намали на 2-3.
Головите се редеа како на филмска лента, па Реал Мадрид во 86-тата минута со голот на Чуамени дојде до израмнување, 3-3.
Сепак, Ојарзабал во 93-тата минута ги постави конечните 3-4 во регуларното време и го одведе мечот во продолженија од двапати по 15 минути.
