Мечевите од Европското првенство кои летово ќе се играат во Рим, ќе се играат со присуство на публика, одлучи Владата на Италија. Според планот, „Олимпико“ е стадионот на кој ќе се играат дуелите од континенталниот собир, а од Фудбалската федерација на Италија (ФИГЦ) одлучија дека може да има гледачи на трибините.
Капацитетот на „Олимпико“ во Рим е 72.698 гледачи, а засега уште не се знае како ќе бидат продавани влезниците. Во Рим ќе се игра првиот меч од Европското првенство меѓу Италија и Турција на 11 јуни, а потоа ќе се играат уште три натпревари. Италија ќе игра против Швајцарија на 16 јуни, а потоа Аѕурите ќе бидат домаќини и на Велс на 20 јуни. На „Олимпико“ ќе се игра и еден меч од четвртфиналето на континенталниот собир на 3 јули.
