Бешикташ вчера славеше со 4:1 против тимот на Анкарагучу и стигна до третото место, со само три бода заостанување зад лидерот Башакшехир. Со вчерашната победа, Бешикташ сега има 59 бодови, колку што и нивниот голем ривал Галатасарај на втората позиција, но Галатасарај има и меч помалку, тој денешниот против Коњаспор на гостински терен.
На дуелот во Истанбул, освен петте гола од кои четири беа во мрежата на гостите, за радост на домашните фанови, имаше и еден необичен момент. Кога судијата означи почеток на мечот, сите играчи останаа на своите места, а навивачите мирно стоеја. Иако средбата беше почната, сите решија да стојат една минута и тоа во знак на протест против насилството врз децата.
Откако поминаа 60 секунди, мечот започна.
Beşiktaş-MKE Ankaragücü maçının başında oyuncular, çocuk istismarına tepki göstermek için 1 dakikalığına topa dokunmadı. pic.twitter.com/aKdWytkaKZ
— beIN SPORTS Türkiye (@beINSPORTS_TR) April 28, 2019
