Рускиот тенисер и четврти носител, Данил Медведев, обезбеди пласман во финалето на Мастерсот во Мајами откако во полуфиналето беше подобар од сонародникот Карен Качанов во три сета и тоа со 7:6,3:6,6:3.
Мечот траеше два часа и 17 минути, а Медведев успеа да го преживее налетот на неговиот добар пријател во вториот сет. По израмнетиот прв сет, Медведев беше подобар во тај-брејкот, во десетиот поен направи мини брејк и поведе со 6:4 и потоа на свој сервис успеа да го освои поенот кој му донесе водство во сетови.
Во вториот сет, одлучувачки беше вториот гем во кој Качанов направи брејк и потоа со сигурен сервис, на Медведев му дозволи само една брејк топка, успеа да дојде до 6:3 и мечот да го однесе во одлучувачкиот трет сет.
MATCH POINT OF THE YEAR?!@DaniilMedwed overcomes Khachanov to reach back-to-back finals in Indian Wells and Miami! ☀️☀️#MiamiOpen pic.twitter.com/Tgsq7HWGlZ
— Tennis TV (@TennisTV) March 31, 2023
Во него, исто така како одлучувачки се покажа еден гем, но овој пат брејк направи Медведев, во петтиот гем го одзеде сервисот на противникот и поведе со 4:1 што беше доволно за триумф и пласман во финалето.
Негов противник ќе биде подобриот од второто полуфинале во кое вечерва ќе играат Карлос Алкарас и Јаник Синер.
