Рускиот тенисер Данил Медведев нема да настапи на првиот овосезонски турнир на серијата АТП 500, кој започнува в понеделник, во Ротердам. Покрај Медведев, настапот на овој турнир го откажа и Јаник Синер, па на местото на овие двајца тенисери, повикани се Жо-Вилфред Цонга и Енди Мареј.
Медведед нема да игра во Ротердам затоа што уште не се чувствува доволно подготвен за повторно да игра по исцрпувачкиот гренслем во Мелбурн. Русинот играше во финалето на Отвореното првенство на Австралија опен, имаше водство од 2:0 во сетови против Рафаел Надал, но на крајот, по пет и пол часа борба, Медведев загуби во финалето со 3:2 во сетови.
Синер се откажа од настапот во Ротердам затоа што е позитивен на корона-вирусот.
