Рускиот тенисер Данил Медведев е третиот полуфиналист на последниот годинешен гренслем-турнир, Отвореното првенство на САД.
Третиот тенисер на ранг-листата на АТП во четвртфиналето го совлада својот кум и сонародник, Андреј Рубљов, со 3-0 во сетови, и тоа со 6:4, 6:3, 6:4 за два часа и 48 минути игра. Освен што играше против својот кум, Медведев „играше“ и против топлото време во Њујорк, поради што неколкупати му беше укажана медицинска помош.
Во првиот сет, Рубљов прв направи брејк и поведе со 0:2 во гемови, но Медведев успева да направи пресврт двапати одземајќи го сервисот на кумот и на крајот да слави со 6:4.
Вториот сет беше исполнет со брејкови, беа одиграни девет гема и дури во шест беше направен брејк. Овојпат Медведев прво го зададе ударот и направи брејк во првиот гем. Но, Рубљов ги одзеде следните два сервис гема на Медведев и поведе со 1:3, по што следуваше нова серија од три брејка на третиот светски тенисер за 6:3 и водство од 2-0 во сетови.
https://twitter.com/i/status/1699532902718177421
Во третиот сет, клучниот гем беше десеттиот гем, кој траеше дури 15 минути и ги исцрпи двајцата тенисери. Но, повеќе сили на крајот имаше Медведев, кој ја искористи петтата брејк и меч топка за триумф од 6:4 и пласман во полуфиналето.
Daniil Medvedev on the conditions in his match against Andrey Rublev:
“One player is gonna die. And they’re gonna see.” pic.twitter.com/zQhXWmdGQU
— The Tennis Letter (@TheTennisLetter) September 6, 2023
Медведев во полуфиналето ќе игра со подобриот од дуелот меѓу бранителот на трофејот Карлос Алкарас и Александер Зверев.
