Еден од најдобрите поентери во НБА-лигата, Демијан Лилард, конечно има нов клуб. Искусниот 33-годишен Лилард во новата сезона ќе биде играч на Милвоки бакс, јавуваат доброупатени американски извори.
Портланд и Милвоки ја договориле размената на играчи во која е вклучен и трет клуб, а тоа е Феникс санс. Токму во Феникс санс ќе замине Јусуф Нуркиќ, додека Портланд ќе ги добие Холидеј од Милвоки и Ајтон од Феникс.
Лилард отворено настојуваше да си замине од Портланд, тим во кој ја помина досегашната цела НБА-кариера од 11 години. Милвоки со доаѓањето на Лилард ќе добие една суперѕвезда која сигурно ќе биде голем адут во трката за титулата во сезоната која треба да започне.
