Ирскиот борец Конор Мекрегор има еден куп тетоважи по целото тело, но навивачите можеби не забележале една тетоважа која е на неговата нога и за која е врзана интересна приказна.
Мекрегор првпат се тетовирал кога имал 20 години и тоа го сторил додека бил на Кипар. Таа тетоважа е на ногата и има напишано нешто на арапски јазик, па и Конор не знаел што значи.
„Тетоважата на левата нога е прва која ја имам направено. Тоа се случи на Кипар, бев премногу пијан и одлучив да се тетовирам за 20 долари. Не знам ни што пишува на ногата, може да е што било, не разбирам арапски јазик“, вели Ирецот, кој сепак одлучил да ја остави тетоважата таква каква што е, иако не знае што пишува на неа.
