Ирскиот борец Конор Мекгрегор приреди шоу во негов стил за време на мерењето и соочувањето со ривалот Доналд „Каубој“ Сероне, со кого ќе се борат во велтер категорија во Ултимејт фајт утре рано изутрина во Лас Вегас. За ветеранот ова ќе биде прва борба откако загуби од Хабиб Нурмагомедов во октомври 2018 година. Сероне во 2019 година имаше четири борби, и ги загуби последните две, од кои едната од Тони Фергусон.
Конор ќе земе 3 милиони долари, а Сероне многу помалку, дури и ако ја добие борбата. Мекгрегор кога застана на вагата, покажуваше мускули, викаше, а потоа му се внесе во лице на противникот, со кого на крај дури и спортски се поздравија, иако не изгледаше дека се пријателски настроени еден кон друг. Конор во пресрет на борбата вети дека ќе има многу крв.
Tomorrow.#UFC246 | @br_betting pic.twitter.com/0fYrotk7wO
— Bleacher Report (@BleacherReport) January 18, 2020
