Шкотскиот фудбалер Скот Мектоминеј, даде свое мислење за коментарите дека играчите што го напуштаат Манчестер јунајтед се подобруваат во своите нови клубови.
„Премногу е лесно да се каже: „О, тие го напуштија Јунајтед и сега им оди добро. Во мојата последна година во клубот играв добро. Постигнав 10 гола и освоивме трофеј. Можеби промената на средината помага, но има и играчи за кои не се зборува толку многу. За мене, обвинувањето на Манчестер јунајтед како клуб е премногу лесен изговор. Кога бев таму, тие правеа сè за мене. Помагаа со исхраната, тренингот, тактиката, без разлика кој беше менаџерот. Сè беше направено за да ви помогнат да успеете. Не е дека тие не го обезбедуваат она што го обезбедуваат другите клубови. Митот дека играчите се подобруваат по заминувањето се сведува на самодовербата“, рече Мектоминеј.
