Австралискиот прволигаш Мелбурн виктори му оддржа лекција на англискиот гигант Манчестер јунајтед како се погодува по акција од гол до гол.
Стрелец на првиот гол во првото полувреме на пријателскиот меч на „Крикет граунд“ во Мелбурн беше Кристифер Икономидис, а акцијата за голот беше брилијантна.
Во петтата минута ја почна голманот на Виктори, Ицо, а потоа учествуваа неколку фудбалери на австралискиот тим и тоа на прва со по еден допир на топката и прецизен пас, а акцијата ја круниса Икономидис.
Акцијата и голот на Мелбурн виктори во петтата минута можете да ги погледнете ОВДЕ.
Манчестер сепак покажа зошто е гигант на светскиот фудбал и набрзина со два гола во финишот на првото полувреме направи пресврт и води со 2:1.
Англичаните израмнија на 1:1 со голот на Мек Томинеј во 43. минута и тој погодок можете да го погледнете ОВДЕ.
Само 180 секунди подоцна, или во првата минута од судиското продолжение во првиот дел погоди и Марсијал за 1:2. Голот на напаѓачот на Манчестер јунајтед можете да го погледнете ОВДЕ.
