Шоуто на Лионел Меси во САД уште трае. Аргентинецот со Интер Мајами гостуваше кај Филаделфија, победи со убедливи 4:1 и се пласираше во финалето на Лига купот. Меси имаше ново шоу откако постигна гол со шут од преку 30 метри и тој погодок може да го видите ТУКА.
За Лео ова беше деветти погодок во шест средби во дресот на Интер Мајами. Сепак, дека Меси не е машина и дека може понекогаш да промаши и од позиции кои е полесно да се постигне гол, се виде на дуелот против Филаделфија.
Во 69 минута при водство на Интер Мајами од 3:0, Меси излезе сам пред противничкиот голман, успеа да го помине и кога требаше да ја погоди празната мрежа, неговиот удар го блокираше еден од домашните фудбалери.
