Лионел Меси бил негативен на последното тестирање на корона-вирусот, вест на која најмногу се израдува тренерот на Пари Сен Жермен, Маурисио Покетино. Откако го добил негативниот тест, на Меси му било дозволено да ја напушти изолацијата, па тој веднаш се подготвил за пат од родниот Росарио кон Париз.
Lionel Messi has left Rosario and is on his way to Paris through a private plane. His PCR came out negative. This via Ole and the picture from Juan José García. pic.twitter.com/673gPGC9vK
— Roy Nemer (@RoyNemer) January 5, 2022
Рано утрово Меси е забележан на аеродромот и се очекува во текот на денешниот ден да пристигне во Париз. Доколку и на повторениот тест Меси биде негативен, може да се случи Аргентинецот да му биде на располагање на Покетино за дуелот против Лион.
Големото дерби во францускиот фудбал ќе се игра в недела, а Лион е домаќин. Останува деновиве да видиме дали Меси ќе биде дел од тренинзите на ПСЖ и дали ќе биде подготвен за настап на следниот меч на Светците.
