Пред крајот на 2025 година, Лионел Меси оствари уште една мисија, откако со тимот на Интер Мајами ја освои шампионската титула во МЛС првенството во САД. Сега, Меси и другарите имаат голем предизвик, а тоа е да го одбранат тронот.
Аргентинецот кој летово ќе наполни 39 години е подготовен и за овој предизвик кој започнува ноќеска. Во првото коло од новата сезона во МЛС, Меси со Интер Мајами ќе гостуваат кај Лос Анџелес. За Меси ова ќе биде 23-та сезона во професионалниот фудбал, а дека уште е на врвно ниво потврдува и фактот дека беше избран за МВП на сезоната, а беше и најдобар стрелец.
Едноставно, тој е подготвен за нова сезона, за нови возбудувања и за рушење на многу нови рекорди. Во новата сезона се очекува Меси да ја достигне и границата од 900 погодоци во кариерата. Тој засега има постигнато точно 896 голови.
