Лионел Меси имаше непријатна епизода со Холанѓаните и го шокира фудбалскиот свет со непримерен однос и потези, но против Хрватска повторно беше препознатливиот фудбалер џентлмен, а дури и го прекина интервјуто по мечот за да се поздрави со Златко Далиќ.
Селекторот на Хрватска тргна кон Меси да се поздрави и да му честита за победата на Аргентина од 3:0 во првото полуфинале на Мундијалот во Катар, а Лео џентлменски го прекина за момент интервјуто со TyC Sports и се поздрави со Далиќ.
Messi goes on to shake hands with Zlatko Dalic, the Croatian Manager while in the middle of an interview from soccer
Во претходната фаза Аргентина ја елиминира Холандија на пенали во возбудлив меч, на кој Меси имаше изненадувачки лоши реакции кон противниците и го разочара фудбалскиот свет, кој го познава како врвен спортист и кроток човек.
ФИФА најави дека ќе го казни Аргентинецот, а Меси веднаш на следниот меч против Хрватите со реакциите покажа дека имал само еден лош ден против Холанѓаните.
